De Madl griang eana eigene Fahne, da derf ein Fahnenbaba natürlich ned fehlen! Am 7.8. wars soweit: Sie hom eanan Fahnenbaba, an Flore, Dahoam mit Baches Musikanten überrascht. Mim Pritschenwong sans dann gemeinsam zum Haus der Vereine gfohn, wo a wahnsinns Spalier scho gwart hod. Bei na gscheidn Brotzeit und boa Hoibe Bier is da Abend eingeläutet worden.
Gut gestärkt haben’s dann drei Aufgaben vom zukünftigen Fahnenbaba griagt.
- an Salut von de Vorderladerschützen
- a Schnapserl mit Mädels im Skioutfit
- und an Aperol auf da Vespa hergfohn
So schnell hat da Flore goned schaun kenna, scho war ois do.
Somit is eam des ,Ja‘ auf de Frage, ob er da Fahnenbaba sei wui, recht leicht gfoin.
